பூசணி விதைகளை சாப்பிடுவதனால் இவ்வளவு
நன்மைகள் கிடைக்குமா?
நன்மைகள் கிடைக்குமா?
நமது ஆரோக்கியத்தை மேம்படுத்துவதற்கு காய்கறிகள், பழங்கள், விதைகள் போன்றவை பெரிதும் உதவுகின்றது. அந்தவரிசையில் பூசணி விதையும் ஒன்று.
இதில் நார்ச்சத்து, புரதம் , இரும்புச்சத்து மற்றும் வைட்டமின் இ ஆகிய சத்துகள் நிறைவாக உள்ளன. மேலும், மாங்கனீஸ், பாஸ்பரஸ், மக்னீசியம், தாமிரம், துத்தநாகம் ஆகிய அத்தியாவசிய தாதுச்சத்துகள் நிறைவாக உள்ளன. 100 கிராம் பூசணி விதை களைச் சாப்பிடுவதன் மூலம் 600 கலோரிகளைப் பெறலாம்.
அந்தவகையில் பூசணி விதை களை எடுத்து கொள்வதனால் கிடைக்கும் நன்மைகள் என்ன என்பதை தெரிந்து கொள்வோம்.
உங்கள் தினசரி உணவில் சேர்த்துக்கொள்வதன் வழியாக தூக்கம் சார்ந்த சிக்கல் குறையும்.. மேலும், இந்த விதைகளில் உள்ள ஸின்க் ஆனது டிரிப்டோபனை செரோடோனினாக மாற்றுகிறது, இது தூக்க சுழற்சியை ஒழுங்குபடுத்தும்.
பூசணி விதைகள் தோல் மற்றும் முடிக்கும் நன்மை பயக்கும். கூடுதலாக, இது வலுவான மற்றும் பளபளப்பான முடியை பராமரிக்க உதவும் பிற ஊட்டச்சத்துக்களையும் கொண்டுள்ளது.
வைட்டமின் ஈ மற்றும் கரோட்டினாய்டுகள் போன்ற ஆன்டி ஆக்ஸிடன்ட்கள் நிறைந்த பூசணி விதைகள் உங்கள் சருமத்தில் நெகிழ்ச்சித்தன்மையை பராமரிக்க கொலாஜனையும் தூண்டும்.
பூசணி விதைகளை உட்கொள்வது ஆரோக்கியமான எடை இழப்பு பராமரிப்புக்கு வழிவகுக்கும்.
பூசணி விதைகள்
ஆண்களின் கருவுறுதலை ஊக்குவிப்பதற்கும், புரோஸ்டேட் பிரச்சனைகளைத் தடுப்பதற்கும் பயனுள்ளதாக இருக்கும்.
ஆன்டிஆக்ஸிடன்ட் இருப்பது ஆரோக்கியமான டெஸ்டோஸ்டிரோன் அளவையும் மேம்படுத்த உதவும்.
பூசணி விதைகளில் மெக்னீசியம் நிறைந்துள்ளது.
இது இதயத்தின் இயக்கம் , இரத்த நாளங்களின் தளர்வு மற்றும் தடையற்ற குடல் செயல்பாடு போன்ற முக்கியமான உடலியல் செயல்பாடுகளுக்கு உதவுகிறது.
பூசணி விதை உட்கொள்வது புரோஸ்டேட் ஆரோக்கியத்தை மேம்படுத்துகிறது. இது ஆண் பாலியல் ஆரோக்கியத்திற்கு மிகவும் முக்கியமானது.
இது பொதுவாக புரோஸ்டேட் சுரப்பியை வலுப்படுத்தவும், ஆண்களில் ஆரோக்கியமான ஹார்மோன் செயல்பாட்டை ஊக்குவிக்கவும் பயன்படுகிறது.
இதனை எப்படி எடுத்து கொள்ளலாம்?
இந்த விதைகளை உண்ண சிறந்த நேரம் காலை வேளை ஆகும் அல்லது உங்கள் உணவுக்கு இடையில் இதை சிற்றுண்டியாக கூட சாப்பிடலாம்.
உங்கள் சாலட்டில் மொறுமொறுப்பான மற்றும் சுவையான பூசணி விதைகளைச் சேர்க்கலாம் அல்லது வறுக்கப்பட்ட விதைகளை சிற்றுண்டியாகவும் சாப்பிடலாம் அல்லது உங்கள் பேக்கிங் செய்முறையின் போது இவற்றை சேர்க்கலாம்.
